Faailoga Taualoa mo le Pulega o Malae Vaalele
Ua talia e le Kapeneta ma le agaga faafetai faamatalaga sa tuuina atu e faatatau i se Faailoga Taualoa Faavaomalo lea ua togia ai le Pulega o Malae Vaalele a Samoa mai se faalapotopotoga ua faaigoaina o le Business Initiative Directions.
O lenei faalapotopotoga o loo faamautu i Sepania ma na faavaeina i le 1967. E 9,500 kamupani ma faalapotopotoga mai soo se vaega o le lalolagi sa aofia ai i le sailiga o i latou ua agavaa mo faailoga taualoa, e faavae i luga o le lelei faafoe o a latou tautua i soo se faiva o loo latou faatinoina. O le lonaono lenei o tufaga faailoga faapitoa ma o lea ua faamanuiaina ai le Pulega o Malae Vaalele o Samoa.
Ua taua mo Samoa lenei faailoga taualoa, e silafia ai e le lalolagi le tulaga maualuga ma le saogalemu o loo i ai nei o tatou malae vaalele mo femalagaiga faavaomalo.