Masini Faamamatoto i Samoa
Ua faamaonia e le Kapeneta suafa o i latou mo le Komiti o Tapenaga aua fuafuaga mo le faatutuina o Masini Faamamatoto i totonu o Samoa.
O le Taitaifono o lenei Komiti o le Afioga i le Ofisa Sili o le Pulega o le Soifua Maloloina. O sui auai e aofia ai: le Loia Sili o le Malo; Ofisa Sili o le Pulega o Tupe; Ofisa Sili o le Pulega Malosi Faaeletise; Ofisa Sili o le Pulega o le Vai; Ofisa Sili o le Matagaluega o Galuega ma Atiina Ae Tetele; Ofisa Sili Lagolago o Fale Suetoto ma Suesuega o Gasegase; Ofisa Sili Lagolago o le TTM (Dr. Stanley Dean); Faufautua Faapitoa (Dr. Satupaitea Viali); Fomai aoaoina Faapitoa i le renal dialysis (Dr. Belladona Potoi); Taitaifono o le Fono a Ekalesia Soofaatasi.
Ua faapea foi ona faamaonia e le Kapeneta ia Galuega Faasino a lenei Komiti e aofia ai le silasila totoa i le tulaga ma le maota o le a faatino ai lenei atiina ae; le maua pea o fesootaiga vavalalata ma le Vaega Faamamatoto i Aukilani ma Sigapoa; le tapa o se fesoasoani tau tekonolosi mai Sigapoa i ni tulaga ogaoga o le faatinoina o lenei atiina ae; suesue maeaea i le tulaga o le vai, eletise, ma fale suetoto ina ia talafeagai ma manaoga o lenei atiina ae; le aiaia i se tulafono e puipuiga ai e e agavaa e faatinoa nei togafitiga; ma, le tofia o se faalapotopotoga faavae e aofia uma ai le atunuu e taua o le, Faalapotopotoga Aoao mo Fatuga’o a Samoa, ma ia feutagai vavalalata ma le Faalapotopotoga Aoao mo Fatugao a Sigapoa.